Cardiff MS. 1.363 (Hafod 2) – page 160r
Brut y Brenhinoedd
160r
1
hedyc ydaỽ. y gyt ar ỽeynt darmerth. a chym+
2
yrred mvlot a meyrch a megys oed dyrys y datk+
3
anỽ ar ryhyr y escryỽennỽ. Ac eythyr henny ny
4
thrygwys tywyssavc ỽn wlat e tỽ hỽnn yr hysp+
5
aen ny delhey wrth e gwys hỽnnỽ. Pa ryved oed
6
henny. haylder arthỽr a|e clot a|e ỽolyant en ho+
7
nnedyc tros e byt ar ry tynnassey paỽb en rwme+
8
dyc o|y kar·yat.
9
AC o|r dywed gwedy ymkynnỽllaỽ paỽb yr ka+
10
er ar wylỽa en dyỽot. er archescop a dỽcpw+
11
yt yr llys wrth wyskaỽ y coron am penn e brenyn
12
Ac odyna dyfryc archescop kanys en|y archescop+
13
ty ef ed oed e llys ef a ymparatoes y ganỽ er efferen.
14
Ac o|r dywed gwedy gwyskaỽ y ỽrenynwysc am e
15
brenyn a thekaỽ y penn o coron e teyrnas. a|e de+
16
heỽ o|r teyrnwyalen. ef a dỽcpwyt yr eglwys
17
penhaf. ac o|r tỽ deheỽ ar tỽ assỽ ydaỽ e deỽ arch+
18
escop en|y kynhal. Ac y gyt a henny pedwar br+
19
enyn. nyt amgen brenyn er alban a brenyn Gw+
20
yned. a brenyn dyỽet. a brenyn kernyw. en h+
21
erwyd eỽ breynt ac eỽ dylyet en arweyn pedwar
22
cledyf eỽreyt en noethyon en|y vlaen. Ac y gyt a
| « p 159v | p 160v » |