BL Harley MS. 958 – page 49r
Llyfr Blegywryd
49r
1
kaẏedic ẏỽ kẏfreith ẏ·rẏdunt. Y neb a
2
odefho rodi tref ẏ tat ẏ araỻ ẏn|ẏ ỽẏd ẏn
3
tagnefedus heb wahard heb erbẏn dẏwe+
4
dut. kẏt as gofẏnho. nẏ werendewir ẏn|ẏ
5
oes o gẏfreith. Ẏ|tẏuedẏon* hagen a|e keiff
6
os gofẏnant ẏn gẏfreithaỽl. Nẏ chae kyf+
7
reith rỽg brenhin a|e tir dẏlẏet ẏn ỻei ̷
8
ẏspeit no chan mlẏned. Gỽedẏ ẏ bo ran
9
odefedic rỽg kẏt·etiuedẏon ar tir. nẏt
10
oes vn iaỽn ẏ vn ohonunt ar ran ẏ ỻaỻ
11
ac etiued idaỽ. eithẏr o atran pan del ẏ
12
hamser. Pỽẏ|bẏnhac hagen nẏ bo idaỽ
13
etiued o gorff. ẏ gẏt·etiuedẏon nessaf o
14
uẏỽn ẏ|teir ach o|r kẏff a vẏdant ẏn ỻe
15
etiuedẏon idaỽ. Nẏ dẏchaỽn neb o gẏf+
16
reith dẏlẏssu tir ẏn erbẏn ẏ etiuedẏon
17
ẏ araỻ. onẏt ar eu kẏt·les neu o|e duun+
18
deb. neu o aghen kẏfreithaỽl na rodi dim
19
o·honaỽ ar ẏspeit heb teruẏn gossodedic
20
ẏ gaỻo ẏ etiuedẏon ẏ diỻỽg. os dros da ẏ
21
rodir rac aghen ac na dotter arnaỽ na+
22
mẏn deu·parth ẏ werth. Onẏt ueỻẏ ẏ
23
bẏd ẏ etiued a|e keiff pan ẏ|gofẏnho o dich+
24
aỽn gỽrtheb drostaỽ ẏn gẏfreithaỽl. Y
25
neb a gaffo ẏ|tir dẏlẏet trỽẏ dadleu ẏn
26
ỻẏs a thrỽẏ varn. Ac na aỻeẏ ẏ gaffel heb
| « p 48v | p 49v » |