Oxford Jesus College MS. 119 (The Book of the Anchorite of Llanddewi Brefi) – page 101v
Buchedd Dewi
101v
eu. ac amdiffynn y bop kyuryỽ dyn o|r|a|ỽnnelei
drỽc o|r a|ffoei ynaỽdir deỽi. Honn yỽ nodua deỽi
y|baỽp o|r|a vo yn dinas rubi yn naỽd deỽi ac adan
y amdiffynn o|byd reit idaỽ. kennat yỽ idaỽ vynet
o|dyfi hyt ar deiui. Ac o|r byd reit idaỽ vynet a
vo moe. aet yn ragor rac pob sant. a|brenhin a
dyn yn|yr ynys honn. Nodua deỽi yỽ. pa|le|bynnac
y|bo tir kyssegredic y|deỽi sant. ac na lauasso na
brenhin na tyỽyssaỽc nac escob na sant rodi na+
ỽd idaỽ ymblaen deỽi. kanys ef a|gauas naỽd ym+
laen paỽb. ac ny|s cauas neb yn|y vlaen ef. kanys
ef a|ossodes duỽ a|dynyon yn bennaf o|r holl ynys.
Ac yna yr ysgymunaỽd hynny o|seint o|duundeb y
brenhined y|neb a|dorrei nodua deỽi sant. Ac odyna
val yd oed deỽi duỽ maỽrth diỽethaf o|vis chỽefraỽr
yn gỽaranndaỽ ar|yr yscolheigyon yn gỽassana+
ethu|duỽ. nachaf y|clyỽei angel yn ymdidan ac ef
ac yn dyỽedut vrthaỽ val hynn. dauid heb yr
angel y|peth a|geisseisti yr ys talym y|gann dy ar+
glỽyd duỽ y|mae yn barawt yt pann y|mynnych.
Sef a|oruc ynteu yna dyrchauel y|ỽyneb y|vynyd. a
llaỽenhau. a|dyỽedut val hynn. yr aỽr honn arglỽ+
yd kymer dy ỽas di y|thagneued. Sef a|oruc yr ys+
colheigonn a|oed yn gỽarandaỽ y|deu ymadraỽd hynn.
synnyaỽ arnunt yn vaỽr. a|syrthyaỽ megys dyny+
| « p 101r | p 102r » |