Oxford Jesus College MS. 20 – page 22r
Ymborth yr Enaid
22r
*llẏma|r mod ẏ treythir o bryt y mab.
Y mab mab* melynwynn adueindwf
oed ual yn oet deudeg|mlỽyd ac
yn gymhedraỽl y dỽf a dyat y gorff
o hyt a phrafter ỽrth y oet. Penn go+
gyngrỽnn gỽedeid idaỽ. A gwaỻt penn+
grychlathyr peuyr·loyỽ eureit velyn+
lliỽ arnnaỽ yn vn furyf a phei geỻit ll+
unyaỽ. neu vedylyaỽ dỽy ysgubell o van
adaued neu o van gasnot o eur trinaỽ ̷+
taỽd a hynny megys ar vỽy no rychỽant
o pob tu y|r deu ỽyneb glaerwynnyon
a thorryat pedaỽl·furyf ar y gwaỻt ar y
dal Ac yn gyfuch ac y gwelit llawer o|r
clusteu. torryat y gwallt ar ystlysseu y
penn. Ar y gwegil yn arwein ardrychafy+
at krocket wedeidlwys A|r gwallt oll yn
benngrychlathyr hyt ar y iat. Ac yno yn
benỻyuynlỽys gribedicloyỽ ỽrth gyn+
nwyssaỽ yr eur goron arnaỽ a gwynndal
gwastatlyfyn ehanglathyr mereridliw idaw
The text Ymborth yr Enaid starts on line 1.
| « p 21v | p 22v » |