Oxford Jesus College MS. 57 – page 102
Llyfr Blegywryd
102
ỽrth greuyd. Trydyd yỽ. ỻeyc heb aỻu ohonaỽ
varnu o gyfreith. o|vreint nac o vreint sỽyd.
T Eir fford y geỻir gỽrthneu braỽdỽr
teilỽng. vn yỽ. o|e vot yn anghyffredin
yn|y dadyl kynn barnu rỽng kynhenusson
yn ỻys. Eil yỽ. y vot yn gyfrannaỽc ar|yr
hynn y bo y dadyl o·honaỽ pei geỻit y hen+
niỻ drỽy varn. Trydyd yỽ. kymryt gobyr
yn|y dadyl ar|ny bo gossodedic y vraỽdỽr y|my+
ỽn kyfreith. Ny eỻir kymeỻ dyn eglỽyssic
y ỽrtheb y neb o vaes y sened o|r kameu a
dywetter arnaỽ. Os gỽr eglỽyssic a|gynne+
il tir trỽy dylyet dan y brenhin y perthy+
no gỽneuthur gỽassanaeth o·honaỽ. ef a
dyly gỽrtheb yn ỻys y brenhin o|r|tir. a|e ber+
thyneu. kanys brenhin bieu tir y deyrnas
oỻ. ac ony ỽrtheb o|r tir yn vfyd. y brenhin
bieivyd. Kyt gaỻo gỽr eglỽyssic bot y my+
ỽn barn o vreint tir ygyt a|ỻeygyon. yny
vo amser y datkanu. ny dichaỽn ef dat+
| « p 101 | p 103 » |