Oxford Jesus College MS. 57 – page 244
Llyfr Blegywryd
244
ny wnel kỽbyl o|r alanas. a|r tir hỽnnỽ a|dyly+
ir y rannu y·ryngthunt ual y|dylyit rannu
galanas. Pỽy|bynnac a|odefo mỽynhau y tir
undyd a|blỽydyn. heb tỽryf heb eniwet ac yn
gyỽlat ac ef. ac yn eisted arnaỽ. Y gyfreith a
dyweit na|dyly hỽnnỽ atteb o|r|tir gỽedy hynny.
namyn bot yn|divỽynedic ac yn haỽl tra|blỽy+
dyn. Sef yỽ tỽryf ac eniwet. ỻosgi tei. a|thorri
B Rynar. dỽy vlyned y|dylyir y [ ereidyr.
eredic. Tir gỽyd yn|y mod hỽnnỽ. Bu+
arthteil. teir|blyned. Cardeil pedeir|blyned. tir
coet. yn|y mod hỽnnỽ. Brynar teil. pedeir bly+
ned heuyt. Ny dyly braỽt vot yn|gotỽr* y gilyd.
namyn talet y vraỽt coet kystal a|r hỽnn a|di+
goedes ynteu. ac ony cheiff coet. talet o henua+
es idaỽ kymeint a|r coet. ac ony cheiff henuaes
ardet yr|hỽnn ry|digoetes y coet y arnaỽ pedeir
blyned. ac o hynny aỻan gadet y vraỽt kystal
ac idaỽ ynteu. ~ ~ ~ ~ ~ ~
K yn|no hynn a|chynn dỽyn coron lundein
a|r|deyrnwialen o|r saeson. Dyfynwal moel+
| « p 243 | p 245 » |