Oxford Jesus College MS. 57 – page 26
Llyfr Blegywryd
26
a|e dylyet yn rat. Ef a|geif y|dir yn ryd y|gan y
brenhin. a|e varch a geif dỽy rann o|r ebran. ỻe y
pengỽastraỽt a|e gedymdeithyon a vyd yn|y
neuad ỽrth y golofyn nessaf y|r brenhin. ef a|r
penkynyd. a|r|troedaỽc. nyt eistedant yn|y neu+
ad ỽrth y paret. Pob un ohonunt a wyr y le. Ef
a|dengys ystableu y|r meirch. ac a|rann y hebran+
neu. Ef a geiff traean dirỽy a chamlỽrỽ pob
un o|r gỽastrodyon. Ef a geif capan y brenhin
o|r byd crỽyn ỽrthaỽ. Ef a geif ysparduneu y
brenhin o|r bydant eureit. neu aryanneit.
neu euydeit. Ef a geif o|r cỽrỽf. corneit ỻaỽn
gyt a|e ancỽyn. a|e verch a vyd vn vreint a
merch y kynyd. Y ebediỽ yỽ punt a hanner.
ef a|geif y gan y distein corneit neu ffioleit
yd yfo y brenhin o·honaỽ o|r med. ac araỻ gan
y penteulu. a|r trydyd gan y vrenhines.
P enkynyd a|geif y gan y distein y
gaeaf croen ych y wneuthur kyn+
ỻyuaneu. ỻamhystaen dof a|geif bop gỽyl
| « p 25 | p 27 » |