Oxford Jesus College MS. 57 – page 275
Llyfr Blegywryd
275
uot y mach a|r haỽlỽr y·gyt att y talaỽdyr
a holi idaỽ y deudec keinyaỽc. a|dywedut o+
honaỽ ynteu. nyt oes dim gennyf|i namyn
vy march. a|hỽnnỽ ny|s talaf. ny dyly y mach
yna rodi gỽystyl. namyn kyrchu yr arglỽyd
a|menegi nat oes racko namyn peth maỽr.
ac na dylyir rodi peth maỽr ym|breint peth
bychan. Yna y|mae iaỽn y|r arglỽyd kanha+
du y|r mach rodi gỽystyl maỽr yn ỻe y|dyly+
et bychan. rac bot yn goỻedic yr haỽlỽr.
O deruyd y|dyn rodi mach y araỻ ar|beth. a
gỽedy hynny y vynet yn naỽd rac talu y dy+
lyet. Kyfreith. a|dyweit na|dyly ef naỽd rac hynny.
ac y dyly y mach rodi gỽystyl y talaỽdyr y|r
haỽlỽr. neu ynteu a|watto y vechni. Ny dy+
ly mach dỽyn gỽystyl y talaỽdyr. ac ynteu
yn negesseu yr arglỽyd neu yn|yr eidaỽ e|hun.
ac ny dyly yr haỽlỽr dỽyn gỽystyl y mach yn
gyhyt a|hynny o amser. Teir gỽeith y mae
y|r mach keissyaỽ y talaỽdyr yn|y atlam
kynn dỽyn y auael. ac ony|s keiff yn hynny.
| « p 274 | p 276 » |