Breudwd Welsh Prose 1300-1425
Cymraeg

Oxford Jesus College MS. 57 – page 279

Llyfr Blegywryd

279

1
uotyaỽc drostunt a|vo yn berchennaỽc haỽl. ac
2
a yrro dros baỽp. a iaỽn atteb y hỽnnỽ. O|deruyd
3
y laỽer o dynyon coỻi da. ac na bo neb ynghyt
4
a|e gilyd amdanaỽ. a mynnu onadunt y yrru ar
5
yr|vn dyn yn yr un dadleu. neu yn|yr vn aỽr. ny dy+
6
lyir kyt·atteb udunt. namyn y kyntaf a|gỽynaỽd
7
gyrret yn gyntaf. a|gỽatter y hỽnnỽ yn gyfreith+
8
aỽl. A gỽedy darffo y dadleu hỽnnỽ. gỽneler dad+
9
leu y bop un o|r ỻeiỻ o vn y un hyt y diwethaf.
10
O|deruyd. y aỻtut gỽneuthur ỻetrat. a chyn tybyaỽ
11
ỽrthaỽ y ỻetrat. Y vynet ef y ỽrth yr arglỽyd yr
12
oed gyt ac ef pan wnaeth. a|gỽrhau y araỻ. ac
13
yna dyuot perchennaỽc a|gyrru y da yn|ỻedrat
14
arnaỽ. ac ardelỽ o·honaỽ ynteu o wat. Jaỽn yỽ
15
gadu idaỽ y wat. a barnu ỻỽ y arglỽyd y diheuraỽ.
16
Os ef a|dyweit y* diheura y arglỽyd ef. namyn o
17
letrat ry|wnelei yr pan|doeth attaỽ ef yno. Jaỽn
18
a|dyweit. yr aỻtut eissyoes a|dygỽyd y|nghyfre  ̷+
19
ith ỻetrat. o·ny cheiff a|e diheuro o arglỽyd. O|deruyd.
20
y|dyn daly ỻeidyr. a|ỻetrat ganthaỽ. ac na bo