Oxford Jesus College MS. 57 – page 291
Llyfr Blegywryd
291
atteb o|r amdiffynnỽr ac o|e gynghaỽs. ac o|e gan+
ỻaỽ. ac na bo un·ryỽ atteb yr vn a|e|gilyd onad+
unt. a|thystu o|r haỽlỽr ar|yr atteb gỽaethaf o ̷+
nadunt. a|cheissyaỽ mỽynant o hynny. kyfreith. a|dyỽ ̷+
eit dylyu o|r amdiffynnỽr dewis y ardelỽ o|r tri. ae ̷
yr|hỽnn a|dywaỽt e|hun. ae y gynghaỽs. ae y
ganỻaỽ. O deruyd. bot. kyfreith. y·rỽng deu·dyn. a|holi o|r
haỽlỽr rac bronn yr yngnat. a|dywedut o|r am ̷+
diffynnỽr. ny dylyaf|i gỽneuthur. kyfreith. hediỽ. gỽedy
hanner dyd yỽ hynn. ac ny dylyir ennynnu. kyfreith.
na|e gỽneuthur gỽedy hanner dyd. Dioer heb
yr haỽlỽr nyt hanner dyd hynn. a chanyt hanner
ar y gyfreith y dodaf y dylyaf atteb. Y gyfreith
a|dyweit dylyu o|r gỽr a|varn y vraỽt. barnu ae
hanner dyd ae nyt hanner. sef yỽ hỽnnỽ yr yng+
nat. a|r offeiryat o|r byd. ac ot amheuir. yr yng+
nat. y neb a|e amheuo creiret. ae hanner dyd ae
nyt hanner. ac onyt hanner. gatter y kyfreith. racdi. ac
o|r byd hanner. annotter y kyfreith. hyt trannoeth. O
deruyd dyuot haỽl mach a|chynnogyn rac deu ̷+
| « p 290 | p 292 » |