Oxford Jesus College MS. 57 – page 294
Llyfr Blegywryd
294
kymryt y gan y ỻaỻ y gỽrthbryn. a|gadel idaỽ
ynteu yr|aniueil. O|deruyd. na mynno gỽneuthur
hynny. ac yno yr arglỽyd a|dyly kymeỻ y|wne ̷+
uthur ac ef. kany dyly neb bot ynghyt a|e gi+
lyd namyn tra|e mynho. O|deruyd. na aỻo ef dyuot
y|r gỽrthbryn. Jaỽn yỽ idaỽ bot yn|y kyt kany
eiỻ kaffel y dewis y|r ỻeiỻ. ac nat iaỽn dryỻy+
aỽ yr aniueil na|e divỽynaỽ yr|bot yngkyt am+
danaỽ. O|deruyd. bot peth ynghyt rỽng ỻawer o dyn+
yon. ac vn yn mynnu rannu. a|phaỽp heb y
vynnu. Jaỽn yỽ rannu o|r neb a|e mynn. a|de+
wissaỽ o baỽp yn|y vlaen ynteu. ac o byd am+
rysson pỽy o·nadunt ỽynteu a|dewissa˄ỽ* yn|y blaen.
dewissent o hynaf y hynaf o|r bydant gyt·vreint.
ac ony bydant gyt·ureint. dewisset yr uchaf y
vreint. O deruyd. y dyn mynnu gỽneuthur tỽryf
neu eniỽet am|dir a|daear ar araỻ. gỽnaet
ar y tir a|r daear y bo yr haỽl arnaỽ. Sef yỽ
tỽryf. ỻosci tei. a thorri ereidyr. eniỽet yỽ. kỽ+
yn mynych ỽrth wlat ac arglỽyd. kyny chaffo
| « p 293 | p 295 » |