Oxford Jesus College MS. 57 – page 69
Llyfr Blegywryd
69
Pedweryd yỽ. y gaeth. ~ ~ ~ ~ ~ ~
T Ri oet kyfreith y dial kelein. rỽng dỽy
genedyl ny hanffont o vn wlat. enyn+
nu haỽl yn|y dyd kyntaf o|r wythnos nessaf
gỽedy ỻader y gelein. ac erbyn penn y pytheỽ+
nos ony daỽ atteb. kyfreith yn rydhau dial.
Eil yỽ o|r bydant y dỽy genedyl yn vn gantref.
enynnu haỽl yn y trydyd dyd gỽedy ỻader y
gelein. ac ony daỽ atteb erbyn penn y naỽ+
uettyd. kyfreith a rydhaa y dial. Trydyd yỽ.
os yn vn gymỽt y|bydant. enynnu haỽl yn|y
trydyd dyd gỽedy ỻader y gelein. ac ony daỽ at+
teb erbyn y chỽechet dyd. kyfreith a rydhaa
y|dial. Tri thaỽedaỽc gorsed. arglỽyd gỽir
yn|gỽarandaỽ ar wyrda yn barnu eu kyfrei+
theu. ac ygnat yn|gỽarandaỽ haỽlỽr ac am+
diffynnỽr yn ym·atteb. a mach yn|gỽarandaỽ
y kynnogyn a|r talaỽdyr yn ym·atteb. Tri
gỽanas gỽaeỽ kyfreith yn dadleu yssyd. gỽan
y arỻost yn|y daear ac vn|ỻaỽ yny vo abreid
| « p 68 | p 70 » |