Oxford Jesus College MS. 57 – page 89
Llyfr Blegywryd
89
phỽngk hynn. no ỻỽ tri|dyn. ac nyt mỽy y
dial no their bu kamlỽrỽ. o·ny eỻir eu gỽa+
du o gỽbyl. neu amdiffyn. Vn o tir a|gyỻ y
neb a|dreisser. ae dyn. ae tir. ae da araỻ ky+
chwynnaỽl. ae vreint. Tri ryỽ amdiffyn
yssyd. vn yỽ na wrthepper yn amsera*+
ỽl y|r gouyn. Eil yỽ amdiffyn hyt nat atte+
per vyth yr haỽl. Trydyd yỽ. amdiffyn gan
atteb mal na choỻer dim yn|yr haỽl. Tri
pheth nyt reit atteb y neb o·honunt. vn yỽ.
peth ny bo diebredic yn erbyn kyfreith. Eil
yỽ. gỽeithret y gaỻer dangos y argywed o|r
gỽneir ac ny dangosser. Trydyd yỽ. coỻet ny
wypo gỽlat o neb·ryỽ hyspysrỽyd y|r haỽlỽr
y goỻi. Tri ryỽ diebryt yssyd. vn yỽ. dỽyn
peth ac nat atuerer dracheuyn. Eil yỽ. adaỽ
argywed ar dyn neu ar y eidaỽ heb wneuthur
iaỽn na hedỽch am·danaỽ. Trydyd yỽ. diebryt
dyn o|e dylyet dros amser y dalu. O tri mod
y kae kyfreith rỽng haỽlỽr ac amdiffynnỽr.
| « p 88 | p 90 » |