Breudwd Welsh Prose 1300-1425
Cymraeg

NLW MS. 3035 (Mostyn 116) – page 32v

Brut y Brenhinoedd

32v

yneu eu traet A|ryued oed gan baỽb o|r a|e gỽelei deỽrder
y|gỽr a|e grysder* a|e gedernit gan ysglyffyeit bỽyaỻ deu+
ỽynebaỽc y|gyrrei ofyn a|fo ar y|elynyon gan ymadra+
ỽd ac ỽynt val hyn. Pa le wyr ofnaỽc ỻesc y ffoỽch
chỽi ymchoelỽch ac ymledỽch a|chorineus gỽae chỽi
druein rac kewilyd y|saỽl vilyoed yd yỽch yn ffo rac
vn gỽr. a|chymeroch yn ỻe didan hagen gaffel fo rac+
gof|i. kanys kymheỻeis y creulonyon geỽri ar fo ac
a|e ỻedeis pop tri pop petwar ~ ~ ~
A c ỽrth hynnẏ seff a wnaeth suardus tywyssaỽc.
kymryt trychanỽr ygyt ac ef. a|chyrchu corineus
a gossot arnaỽ. Sef a|wnaeth corineus erbyn y
dyrnaỽt ar y|daryan a gossot a|r vỽeỻ arnaỽ ynteu
ar warthaf y|helym yny hoỻes yr helym a|r penfestin
ac a oed o hynny hyt y|ỻaỽr a gỽneuthur aerua diruaỽr
y|meint. O|r ỻeiỻ ac ny orffoỽyssỽys corineus o|r ruthur
hono yny oed kan mỽyaf y elynyon yn anauus ar|ny|s
ỻadydoed onadunt. Ac y·vyỻy yd oed corineus e|hun
yn erbyn paỽb a|phaỽb yn|y erbyn ynteu A|phan
welas brutus hynẏ kyffroi o garyat y gỽr a|wnaeth a
chyrchu a|e vydin yn ganhorthỽy y gorineus. Ac yna
y doeth y ỻeuein maỽr a|r gorderi ac y bu aerua vaỽr
greulaỽn o|pop parth Ac yna heb hoir* y kauas gỽyr
tro y vudugolyaeth ac y|kymheỻỽyt y fichteit ar fo.
A gỽedy fo goffar hyt yn teruyneu freinc y kỽynỽys
orth y getymdeithon rac estraỽn genedyl a ymladassei
ac ef Ac yna yd oed deudec brenhin ar|freinc yn ar+
uer o vn teilygdaỽt ac o vn gyfreith. A|r rei hyny o
gyt·duundeb a adaỽssant mynet ygyt a goffar y
dial y|sarhaet a|e gewilyd a|e goỻet ac y|ỽrthlad yr