NLW MS. 3035 (Mostyn 116) – page 84v
Brut y Brenhinoedd
84v
nadunt. o hir vuched yd aruerha. ac ny ỽrthtryma heint
arnaỽ. A|ẏffo o|r eil; o anniffygedic newyn y a·baỻa
Ac yn|y ỽyneb yn wastat y byd aruthred a drycliỽ
yn eisted. A|yffo o|r tryded. o deissyfyt ageu yd abaỻa
Ac ny thric y gorff y|med Y|rei a|vynhont gochel y ve+
int tymestyl honno a|lafuryant o|e dirgelu o am+
ryfaelyon gudedigaetheu. ỽrth hyny beth bynac a
dotter arnadunt FFuryf corff araỻ a gymer. kanys
dayar yn vein mein yn pren pren yn ỻudu. ỻudu
yn dỽfỽr. o byrrir y|arnat a|ymchoel yn plỽm. Yn hyny
y|drychefir morỽyn o|r ỻỽyn ỻỽyt. Y rodi medeginy+
aeth o hynny Gỽedy profo hono pop keluydyt o|e ha+
nadyl e|hun y sycha y|ffynhoneu argywedaỽdyr
Odyna yn yd ymiachao hitheu o iachỽyadyl vedyc+
lẏn; y kymer yn|y deheu ỻỽyn kely·don. Ac ẏn|ẏ has+
seu kedernẏt muroed ỻundein. Py|le bynac y kertho
hitheu; kammeu brỽnstanaỽl a wna. Y|rei a|wnant
mỽc o deudyblyc flam. Y|mỽc hỽnỽ a gyffry gỽyr ro+
dỽm Ac a vyd bỽyt y|r rei dan y|mor. O truein da+
greuoed y|ỻithyr hitheu Ac o aruthyr diaspat y
ỻeinỽ yr ynys E rei hyny a lad y karỽ dec keing
y|petwar onadunt a arwedant coroneu eur Y|chỽech
ereiỻ a ymchoelant yn gyrn buelyn neu buffleit
y rei a gyffroant teir ynys prydein oc eu hyscymun
sein Yna y|sychir ỻỽyn danet neu yna y dystrỽ y
koet y denymarc Ac yn|dynaỽl lef gan ymdroi ẏ
ỻefa. Dynessa gymry a gỽasc kernyỽ ỽrth dy ys+
tlys a|dywet y|gaer wynt. y dayar a|th lỽnc. Symut
eistedua dy vugeil y|r ỻe y disgyn y|ỻogeu. Ac ym+
lynent yr aelodeu ereiỻ y pen. kanys dyd a vryssya
| « p 84r | p 85r » |