NLW MS. 3036 (Mostyn 117) – page 191
Brut y Brenhinoedd
191
a|e guelei. A hynny yn anedic gantaỽ. A guedy y
hardhau o vrenhinyaỽl arỽydon y teyrnas; ymro+
di y haelder a oruc. hyt nat oed haỽd idaỽ kaffel o
da kymeint ac a oed reit idaỽ y rodi yr saỽl varcho+
gyon a lithrei attaỽ. Ac eissoes pỽy bynhac y bo
gantaỽ haelder ananaỽl* ygyt a| phrouedic voly+
ant. kyt boet eisseu arnaỽ ar talym. ny at duỽ
wastat aghenoctit y argywedu idaỽ. Ac ỽrth hyn+
ny sef a wnaeth arthur can oed eidaỽ ef molyant
yn ketymdeithoccau haelder a dayoni; llunyaethu
ry·uel ar| saesson hyt pan vei oc eu da ỽynteu ac
oc eu sỽllt y| gallei ynteu kyuoethogi y uarchogy+
on a|e teulu. A iaỽnder a dyscei hynny idaỽ. kan+
ys ef a dylyei o wir treftadaỽl dylyet holl vrenhi+
nyaeth ynys prydein. A chynnullaỽ a| wnaeth holl
ieuenctit ynys prydein a chychwyn parth a| chaer
efraỽc. A phan gigleu golgrim hynny. kynnull+
aỽ a| oruc ynteu ygyt ac ef y saesson ar yscotyeit.
ar ffichteit a dyuot yn erbyn arthur hyt y glan du+
las. Ac yno y periglỽys y deu lu yn uaỽr. Ac eissoes
y uudugolyaeth a gauas arthur. A chymhell col+
grim ar ffo hyt yg|kaer efraỽc. A|e warchae yn| y di+
nas. A phan gigleu baldỽlf a oed a chwe mil o wyr
aruaỽc gantaỽ ry ffo y uraỽt a|e warchae yg kaer
efraỽc. Sef a| wnaeth ynteu kyrchu parth ac yno
a hynny o niuer gantaỽ y geissaỽ gellỽg y vraỽt.
kanys pan ymladyssei arthur a cholgrim yd
| « p 190 | p 192 » |