NLW MS. 3036 (Mostyn 117) – page 263
Brut y Brenhinoedd
263
lafan. A chynhỽrỽf maỽr a| gyuodes yn| y llys o achaỽs
llad y dewin. A gossot guyr a guersylleu ar pyrth y
dinas ar llys. yỽ cadỽ rac dianc y neb a ladassei y| de+
win. Ac odyna eissoes kychwynnu a| wnaeth breint
hir parth ar dinas a elwit exon. Ac yn| y lle dyuyn+
nu attaỽ y brytanyeit. A chadarnhau y dinas ar ga+
er yn eu kylch. A menegi a| wnaeth breint udunt
megys y lladassei ef e dewin. Ac odyna anuon trỽy
gennadeu ar Catwallaỽn y uenegi idaỽ ynteu ry
lad y dewin. A guedy mynet y chwedyl hỽnnỽ yn
honheit dros ỽyneb ynys prydein. Peanda tywys+
saỽc mers a doeth a chynnulleitua vaỽr o saesson
ganthaỽ hyt am pen exon. y dinas yd oed vreint
hir yn| y warchadỽ. A dechreu ymlad ac ef.
AC ar hynny y doeth Catwallaỽn a deg mil o var+
chogyon aruaỽc ganthaỽ yn porth idaỽ y gan
Selyf brenhin llydaỽ. A guedy dyuot yn agos yr
gaer yd oed vreint yndi mal y| guelhei. rannu y var+
chogyon a oruc yn pedeir bydin. Ac yn diannot kyr+
chu y elynyon. Ac yn| y lle ar dechreu y urỽydyr daly
peanda. A llad aneiryf o|e lu. A guedy guelet o pean+
da nat oed fford amgen idaỽ y kaffei ellygdaỽt na ry+
dit; darestỽg a| wnaeth y Catwallaỽn. A gỽrhau idaỽ
A mynet ygyt ac ef y ymlad ar saesson ereill. A dyf+
ynnu guyrda ynys prydein ygyt ac ỽynt y rei a
a* uuassynt ar digrein trỽy lawer o amser. A chych+
wyn trỽy humyr ar torr etwin. A dechreu anreithaỽ
| « p 262 | p 264 » |