NLW MS. Peniarth 15 – page 135

ti. Amlỽc yỽ nat dim an nerth nac an|gaỻu. Pan allo morỽyn ieuanc

yn an kywilydaỽ ac an gwatwaru val hyn. A llawer gyt a hi

a dywaỽt. Ac yna y attebaỽd Margret o|r kythreul yn wir byd uut

o r lle a|tlaỽ* heb vn geir a dos ymdeith. A dyd·gweith arall gwedy

hynny yd erchis y braỽdỽr dỽyn Margret rac y vron ef. Ac mal y|d+

oeth odieithyr y karchar y dodes arỽyd y groc erni. A gỽedu sefyll

oheni rac y vron. ef a|dywaỽt ỽrthi. Margret kytsynhya. a mi Ac

adola vyn dỽyeu. kanys da i gỽeda it hẏnnẏ. y santes a|ỽrthebaỽd. itti

pennadur y gỽeda adoli adoli vyn duỽ. i. a iessu grist y vab. ynteu a

dyỽaỽt noethỽch hi a chrogỽch yn|yr awyr. Ac enynỽch y hystlysseu

a ffagleu gwressaỽc. A r keisseit heb ohoir* a wnaethant y arch ef. A|thra

yttoedynt ỽy yn ỻoski y chorff santeid hi. yd oed hitheu yn gỽediaỽ val

hyn. vy arglỽyd duỽ i ỻosc di vy arenneu i. a|m kalon hyt na|bo ynof|i

enwired. y braỽtỽr a dywaỽt kyt·synhya a chytuunha a|mi. Ac a·ber+

tha y|r dỽyeu. Margret santes a|ỽrthebaỽd ny chytsynnyhaf|i a|thi. Ac nyt

adolaf|i dy dỽyeu di mut a bydar Ac yna yd erchis y penyadur rỽymaỽ

y phen a|e thraet a|e bỽrỽ myỽn ỻestreit   o dofyr brỽt a|e dihenydyaỽ a|e

ffoeni yn honno. A|r keisseit poenwyr a wnaethant   y arch ef. Gỽynede+

dic vargret yn drechafel y ỻegyit ar nef a dywat vy arglỽyd gogone+

dus y tragywyd tỽr y rỽymeu hyn A minheu a aberthaf itti aberth o

volyant gỽna di inn|y dỽfyr hỽn Megys dỽfyr fynhaỽn fynhonỽs hyna+

ỽs bit leindyt imi ac amlỽc waret bit fonst dit·rei didiffyc. doet go+

lomen gyflaỽn o|r yspryt glan y ven·digaỽ y dỽfyr hỽn y|th enỽ di

Ac y|m golchi ac ef mal y gaffỽyf   buched tragywedaỽl. kadarn+

haet y dỽfyr hỽn vy eneit ac eglur·ha·et vy synhỽyreu. A gỽrthladet

y ỽrthyf vy hoỻ bechodeu. A bedydyet vi yn enỽ y tat a|r mab a|r yspryt

glan yssyd vendigeit yn oes oessoed. Ac yn yr aỽr honno y doeth

kynhỽrỽf maỽr yn|y dayar a|cholomen o nef a doeth a choron o nef ynn|y

gennu*. Ac eisted ar ys  cỽyd y gỽynuededic vargret ar hynt a|ryd+

haỽyt y dỽylaỽ a thraet. Ac y daeth ar y|thraet y maes o|r dỽfyr dan voli

a bendigaỽ duỽ. Ac yna y|dywat hi. duỽ arglỽyd a wledychaỽd. a|g+

ỽympter a thegỽch a wiscaỽd ef a wiscaỽd dyỽred a chydernyt. Ac

a wiscaỽd ar|y|vchaf grym a nerth. Ac yna y clyỽspỽyt ỻef o nef.

yn dywedut o|r a·dolygeist ar dy wedi duỽ a|e canhadaỽd iti A dyret

ti vyg|karedic i. y|r ỻe yssyd darparedic A mi a agoraf y pyrth

teyrnas nef. Ac yna y d nnv  ch  paỽb o|r a oed.