NLW MS. Peniarth 15 – page 86

bechv onadvnt dan y|wybot Yr eil yw am wẏbot dysgv da megẏs y|dywedir y

nefoed a|dangossant y|enwired a|r dayar a|gyvet ẏn|ẏ erbẏn yn dẏd kynndared ẏr

arglwẏd Am dẏwedvt ohonvnt wrth yr arglwẏd kilẏa y|wrthẏm nẏ

Mẏnnwn ni wybot dẏ|ffyrd di ae yn dechrev bẏt y|krewyt yr eneidyev ae

yntev bevnẏd o|newyd Dvw a|wnnaeth pob peth ygẏt ar vn weith megẏs

y|dywedir o|r a|vẏd a|gwedẏ hẏnnẏ ef a|neilldvawd pob peth wrth hẏnny ef

a|grewẏd yr eneidev dechrev o|annweledic defnẏd Ac|wynt a|phvrẏfveir bvnẏd*

ac a|annvonir ẏ eilvn y|r corfforoed megẏs y|dywedir vẏn tat. i. a|lavvrẏawd

hyt yr awr·honn a|mynnhev a|lavvryaf ẏr hwnn a|ossodes ev callonnev yn

inseiledic Sef yw hẏnnẏ ev heneidyev Discipulus. Prẏt na chreo dvw namẏn

eneitev glan da ac wyntev yn vfvẏdawt idaw ef yn mynet ẏn|ẏ corffor+

oed ryvyd* yw ev mẏnet y vffern pan vo marw y corff hwnnw. Magister. Dvw

y|mae pob daeoni a|phob gleindẏd gantaw ny|chreaw* eithẏr eneidev da glan.

a|rei hynnẏ herwẏd annẏan a|damvnant mynet ẏn|ẏ corfforoed megẏs y|dam+

vnwn nynhev yn byw herwẏd annyan Eissoes pan elont yw* y|mwẏn* y

llestyr budẏr halawc hwnnw kymeint y|gwnant yw* y|ewẏllẏs ef ac y|karant yn

vwy no dvw wrth hẏnnẏ pan vo trech gantvnt ẏ|llestẏr bvdẏr hwnnw ẏ|ma+

ent yg|karchar yndaw no charyat dvw Yawn yw y|dvw ev gwrthlad wyntev

o|e getymeithas ef Discipulus A|wybyd yr eneidev a|vont yg|korforoed y|dynyon bec+

hein dim. Magister. Ef a|darlleir am Jevan vẏdẏdywr Rẏ|sẏnnẏaw o|e eneit ef etwan

yng|kroth y|vam ac a|wybv rẏ dẏvot krist attaw wrth hynnẏ amlwc yw nat

oes eissev synnwẏr ar eneidev y|rei bythein* kyt boet eissev gweithret Discipulus Pa+

ham y|gelwir y|corff a|aner o|gristonogawl hat yn|vvdẏr. Magister. Am ry gaffel o

hat afvlan megẏs y|dywedir pwẏ a|dichawnn gwnnevthvr yn lan y|peth a

gaffer o|hat aflan Ac yn lle arall y|dywedir yn ennwired y|m caffat. i. Discipulus

pan lanhaer dẏn yn gwbyb* drwy vedẏd Ac yn wir vot priodas ẏn lan

ac yn da paham ẏ|dẏwedir vot ẏn vvdẏr hat hwnnw. Magister. Dẏn a

lanhaeir o|vewnn Ac odieithẏr drwy vedẏd ac eilweith yd halogir y

hat ef drwẏ chwant y|knawt prẏt na allo y|kẏmysc hwnnw bot heb

rwndwal digrifvwch ac nẏ dichawnn y|rith nẏ ffvrẏfhawẏt etwa

gwrthwẏ·nebv o|e rẏeni. Discipulus. Pa|delw y|bydei afflan hwnnw na chery+

dvs. Magister. o|bechawt adaf y daw y|bawp y|kared hwnnw yn krev ev plant

megys o|dref·tadawl dylyet ac am hynnẏ y|byd marw pawb yn adaf

Discipulus Pa delw y|genir wyntev yn vyw. Magister. Megẏs ot ymdengẏs dẏn

drwẏ ffenestẏr a|r awr honno kilẏaw dracheven velle dẏn a|aner megẏs

ymdangos y|r bẏt ẏ|mae ac y|ymchwelvt dracheven y anghev ẏn|ẏ lle

Discipulus o|madewir y|pechodev drwẏ y|bedẏd y|r ryeni paham y|bedydyir

y|rei a|aner ohonvnt yn vyw. Magister. O|gwennwynir pastei Ef a|vẏd