NLW MS. Peniarth 18 – page 4v
Brut y Tywysogion
4v
1
thaỽ a|oruc a|thebygu nat oed dim gallu gantaỽ. o achos
2
mynet ioruerth y ỽrthaỽ. kannys pennaf oed hỽnnỽ o|r
3
brytannyeit. a|mỽyhaf y|allu. ac erchi kygreir a|oruc
4
val y|gallei y|neill a|e|hedychu ar|brenhin. a|e adaỽ y|teyr+
5
nas o|gỽbyl. Yg|kyfrỽg y|petheu hynny yd|athoed ernỽlf
6
a|e|ỽyr ynn erbyn y|ỽreic. ar|llyges aruaỽc a|oed ynn
7
dyuot yn|borth idaỽ. Ac yn hynny y deuth magnus bren
8
hin germania eilỽeith y|von. a gỽedy torri llaỽer o ỽyd
9
defnyd ymhoelut y|vanaỽ dracheuen. Ac yna herỽyd
10
y|dyỽedir gỽneuthur a|oruc tri chastell a|e llenỽi eil+
11
ỽeith o|e ỽyr e|hun yr honn a diffeithassei kynn+
12
o|hynny. ac erchi merch mỽrch ath o|e uap. kannys
13
pennaf oed hỽnnỽ o|r gỽydyl. a|hynny a|gauas yn llaỽen.
14
a|gossot a|oruc ef y|mab hỽnnỽ yn urenhin yn manaỽ.
15
Ac yno y|trigyaỽd y|gayaf hỽnnỽ. a gỽedy clybot o|rot+
16
bert iarll hynny. anuon kennadeu a|oruc. ac ny|cha+
17
uas dim o|e negesseu. a|gỽedy gỽelet o|r Jarll y|uot yn
18
ỽarchaedic o|bop parth idaỽ keissaỽ kennat a|fford y
19
gann y|brenhin y|adaỽ y|teyrnnas. ar|brenhin a|e|kenn+
20
hadaỽd. ac ynteu drỽy adaỽ pob peth a|vorỽydaỽd hyt
21
yn normandi. ac yna yd|anuones y|brenhin at ernỽlf
22
y|erchi idaỽ un o|deu peth. a|e adaỽ y|teyrnas a|mynet yn
23
ol y|uraỽt. a|e ynteu a delei yn|y eỽyllus ef. Pann gigleu
24
ernỽlf hynny. deỽissa uu gantaỽ vynet yn ol y|uraỽt.
25
a|rodi y castell a|ỽnaeth y|r brenhin. a|r|brenhin a|dodes
26
gỽercheitỽeit yndaỽ. Gỽedy hynny hedychu a|oruc ior+
« p 4r | p 5r » |