NLW MS. Peniarth 190 – page 69
Ystoria Lucidar
69
damchweinyassant eiryoet. Magister Deu ryỽ
anghenreit yssyd. vn anyanaỽl megys
kyuodi yr heul yn|y dwyrein. neu dyuot y
nos yn ol y|dyd. ac araỻ ewyỻyssyaỽl me+
gys kerdet o dyn neu eisted. a|r hynn a
vynno duỽ y vot megys nef a daear ny
eỻir gochel na del hynny. namyn ang+
henreit yỽ eu bot. discipulus Beth yỽ o damchwe+
inya veỻy petheu ereiỻ. a|at duỽ udunt
uot megys ewyỻys dyn y wneuthur da
neu drỽc. a hynny nyt an gen* y dyuot pob
peth o|r a|wnel dyn rac ỻaỽ. Magister Duỽ a|e
gỽyr. ac a|dywaỽt drỽy y proffỽydi y gỽneit
ac ny ossodes duỽ anghenreit o|r byt y hyn+
ny. namyn dynyon e|huneit* a|ossodassant
udunt eu hanghenreit pan wnaethant
eu hewyỻys o gỽbyl. discipulus A daỽ dim o damchỽein.
Magister|Na|daỽ. namyn pob peth o lunyaeth duỽ.
discipulus Paham y ỻysc yr eglỽysseu neu adeila+
deu megys o|damchwein. Nyt dim damchỽ+
ein. ysgriuennedic yỽ. Ny byd dim ar y daear
| « p 68 | p 70 » |