NLW MS. Peniarth 31 – page 29v
Llyfr Blegywryd
29v
mab hỽnnỽ. ny dylyir y oedi am tref y vam
nac arhos naỽuetdyd yn|y erbyn.
TEir sarhaet gỽreic ynt; vn a|dyrcheif.
Ac vn a ostỽng. Ac vn yssyd sarhaet gỽ+
byl. kyntaf yỽ bot genti o|e hanuod. A honno
gan vn ardyrchauel y telir. Ac os gỽryaỽc
uyd; herwyd breint y gỽr y telir idi. Yr eil yỽ
rodi cussan idi o|e hanuod; a honno a ostỽng
y trayan a uyd eisseu. Tryded yỽ y phaluu o|e han+
uod. a honno yssyd sarhaet gỽbyl idi. Tri che+
wilyd kenedyl ynt ac o achaỽs gỽreic y ma+
ynt; llathrudaỽ gỽreic o|e hanuod. Eil yỽ dỽ+
yn o|r gỽr wreic arall ar y phen yr ty. Trydyd
yỽ y hyspeilaỽ. Tri chadarn enllip gỽreic ynt;
vn yỽ gwelet y gỽr ar wreic yn dyuot o vn llỽ+
yn vn o pop parth yr llỽyn. Eil yỽ eu kaffel
ell deu dan vn vantell. Trydyd yỽ gwelet y
gỽr rỽng deu vordỽyt y wreic. Tri chyffro
dial yssyd; diaspedein caresseu. A guelet elor
eu kar. A gwelet bed eu kar heb ymdifỽyn.
Tri pheth a haỽl dyn yn lletrat ac ny chyg+
hein lletrat yndunt; a deilat. a diot coet.
ac eredic.
TRi meib yssyd ny dylyant kyfran o
| « p 29r | p 30r » |