NLW MS. Peniarth 31 – page 8r
Llyfr Blegywryd
8r
1
no y dyly y anregu o teir anrec. Hebogyd nyt
2
yf namyn teir gweith yn|y neuad. rac gadu
3
gwall ar y adar o|e veddaỽt. Llestyr eissoes a ge+
4
iff y dodi llyn yndaỽ ac y anuon o|e lety. Teir
5
anrec beunoyth a enuyn y brenhin idaỽ yn
6
llaỽ y was. eithyr y dyd y lladho vn o|r tri eder+
7
yn en·waỽc. neu yn|y teir gỽyl arbenhic. kan+
8
ys o|e laỽ e|hun yd anrecca ef yna. Os o gyfre+
9
ith y gellir an·reithaỽ yr hebogyd; ny dyly
10
mayr na chyghellaỽr dỽyn y anreith. nam+
11
yn y teulu. ar righyll. Ef a dyly calon pop
12
llỽdyn o|r a ladher yn|y llys. Vn vreint uyd y
13
verch a merchet y sỽydocyon kyntaf. Y ebe+
14
diỽ uyd punt a hanher. O|r byd marỽ march
15
yr hebogyd o lauur y danaỽ yn|y hebogydya+
16
eth neu o gleuyt; arall a geiff yn y brenhin.
17
Y varch a geiff o|r ebran kymeint a ran deu
18
uarch ereill. Ef a geiff yr hebogeu gỽryỽ oll.
19
Ar nythot oll a gaffer yn tir llys y brenhin.
20
Ancỽyn a geiff yn|y lety. Seic a thri chorne+
21
it o lyn. O|r pan dotto yr hebogyd y hebogeu
22
yn|y mỽt hyt pan y tynho o|r mỽt; ny chym+
23
hellir y ỽrtheb o vn dadyl. Kylch vn weith
24
yn|y ulỽydyn a geiff ar vilayneit y brenhin.
« p 7v | p 8v » |