NLW MS. Peniarth 32 (Y Llyfr Teg) – page 18
Llyfr Iorwerth
18
1
o* asgỽrn moruil y gan y brenhin. a modrỽy y gan
2
y vrenhines. Y letty yỽ y·gyt a|r penteulu yny
3
gerdho ygyt a|r beird ereiỻ. Ef a|dyly rann
4
deuwr. Y naỽd yỽ hyt ar y penteulu. Ereiỻ
5
a|dyweit pan·yỽ o|r canu kyntaf hyt y diweth+
6
af. Y sarhaet yỽ; chwe|bu a chweugeint ary+
7
ant. Y werth yỽ chỽe|bu a|chỽeugein mu gan
8
y ardrychafel unweith.
9
N aỽuet yỽ gostegỽr; ef a|dyly y dir yn
10
ryd a|e varch pressỽyl. a|e deir|gỽisc mal
11
y rei ereiỻ. Ef a|dyly rann y gan y sỽydwyr.
12
Ef a|dyly pedeir keinyaỽc o bop buch o|r a|del
13
yn|dirỽy a berthyno ar y ỻys. Ef a|dyly medu
14
ar y ỻynn y·dan y distein. Ef a dyly gỽassanae+
15
thu a gostegu. a tharaỽ y post uch·benn yr
16
offeiryat. Ef a|dyly o|r pan|diotter y maer a vo
17
yn|y ỻys; synnyaỽ ỽrth y da a vo o vyỽn y ỻys
18
yn hynny o yspeit. ef a|dyly kynnuỻaỽ trỽngk
19
y brenhin. Y letty yỽ y·gyt a|r|distein. Y naỽd yỽ
20
o|r ostec kyntaf hyt y diwethaf dỽyn y dyn
21
a|wnel y cam. Y sarhaet yỽ chỽe|bu. a|chỽeuge+
22
int aryant. Y werth yỽ chỽe|bu a chỽeugein
23
mu gan y ardrychafel vnweith.
24
D Ecuet yỽ y penkynyd. Ef a|dyly y dir
25
yn ryd. a|e varch. a|e wisc mal y|rei ereiỻ.
26
Y le yn|y ỻys yỽ y am y kelui a|r offeiryat teulu
« p 17 | p 19 » |