NLW MS. Peniarth 32 (Y Llyfr Teg) – page 223
Llyfr Iorwerth
223
lad dyn; ef a|dyly talu teir|bu camlỽrỽ y|r brenhin.
a|ỻỽ canwr y|r|genedyl nat ymgymyscaỽd a|e waet;
dy·eithyr gỽelet y lad ac na|s|diffyrth. Pan|gyme+
ro bonhedic canhỽynaỽl tir yg|gỽlat araỻ; bre+
int y tir a uyd arnaỽ. O|deruyd y wreic dywedut
geir gỽyth·laỽn ỽrth y gỽr; val unaỽ mefyf* ar
y varyf neu uaỽ yn|y danned. neu y alỽ yn|gos+
taỽc. hi a|dyly talu idaỽ teir|bu camlỽrỽ. kanys
arglỽyd yỽ arnei; neu o byd gỽeỻ genthi taraỽ
tri dyrnaỽt arnei. a|gỽialen kyhyt a chyuelin
y gỽr. a|chyn vrasset a|e hiruys. a|hynny yn|y
ỻe y mynno ef dyeithyr y phenn. Taỽlbort
brenhin; chỽeugeint a|dal. ac ual hyn y rennir.
Trugeint ar werin wynnyon. a thrugeint ar
y brenhin a|e werin. ac ual|hyn y rennir; dec
ar|hugeint ar y brenhin. a|dec ar|hugeint ar y
werin. Sef yỽ hynny; teir keinhaỽc a|their fyr+
ỻig ar bop vn o werin y brenhin. a|r gymeint
ar bop vn o|r|werin wynnyon. Sef achaỽs y
gedir ar vrenhin gymeint ac ar wyth|wyr; ỽrth
chware ac ef kymeint ac ar|wyth|wyr. A hanner
hynny yỽ gỽerth taỽlbort uchelỽr. Tri tha+
uaỽt uud ỻys. O|deruyd y dyn gỽneuthur cam
yn ỻys yn vn o|r teir gỽyl arbennic; gỽedy gos+
sotter naỽd gyffredin ar baỽp yn|y|ỻys. a chaf+
fel o|r dyn ry wnaeth y cam naỽd gan un o|sỽydo+
| « p 222 | p 224 » |