NLW MS. Peniarth 32 (Y Llyfr Teg) – page 242
Ystoria Adda
242
a|e tywyssaỽd yn iaỽn hyt ym paradỽys
mal y mynnaỽd duỽ; A gỽedy y vynet yn
vchel. ef a gymmerth ofyn o achaỽs echtywyn+
nedigrỽyd paradỽys. hyt pan gỽedei* ef bot
yno ỻoscedigaeth tan. Ac yna yd arỽydoccaỽys
ef o|r ỻythereu. Ac yn diogel y* aeth hyt ar che ̷+
rubyn agel. A gofyn a|wnaeth yr agel idaỽ. py
achaỽs y doeth yno. Ac ynteu a|dywat. vyn tat i
adaf yr hỽn yssyd yn henhau yn gymeint
ac yn vlin gantaỽ. y vyỽ yn gyhyt
ac y mae a|m han uones yma hyt
pan anuonych ti attaỽ yn hyspys am y
trugared a edewis duỽ. Ac yna y dywat
yr agel. dos hyt yn drỽs porth paradỽys. Ac
edrech yn ystyryaỽl y|myỽn py|ryỽ betheu a|wel+
hych yno. Ac ynteu a|aeth. Ac ef a|welas y|myỽn
y veint o degỽch o amryfalyon rifeu o ulodeu
oed a|ffrỽytheu a ỻysseu a|gỽyd. hyt na eỻynt
mil o tauodeu y datganu yd oedynt yno. fry+
dyeu a messyd* a phob ryỽ gerdeu a defnydyeu.
hyt pan adỽys ef heb gof y|neges o achaỽs tegỽch
y ỻe. Odyna ef a|edrychaỽd racdaỽ ac ef a|welei
yn ryỽ le o paradỽys fynhaỽn o|r hon y|dodynt
pedeir auon o phedeir kogyl. y rei a arwery+
nynt hyr* hoỻ vyt enweu yr auoned hynny
ynt. phizon. tizon. tigris. euffrates. Ac y ar
| « p 241 | p 243 » |