NLW MS. Peniarth 32 (Y Llyfr Teg) – page 3
Llyfr Iorwerth
3
1
y|r brenhin. vn yỽ pan dorrer y naỽd. pan rodo
2
naỽd y dyn a|e lad. Eil yỽ; pan del deu arglỽ+
3
yd ar eu kyt·teruyn o achaỽs ymaruoỻ. ac
4
yg|gwyd y deu arglỽyd a|r deu lu. ỻad o wr
5
y neiỻ wr y|r ỻaỻ. Trydyd yỽ cam·arueru
6
o|e wreic. Sarhaet brenhin aberffraỽ. megys
7
hynn y telir; can mu ỽrth bop cantref a uo
8
idaỽ. a tharỽ gwynn ysgyuarỻynnic ỽrth
9
bop can mu o·nadunt. a gỽialen eur ky+
10
hyt ac ef e|hun. a chyn|vreisget a|e vys y
11
bychan. a chlaỽr eur kyflet a|e wyneb
12
e|hun. a chyn dewhet ac ewin amaeth a ry
13
vo amaeth naỽ mlyned. Ny thelir eur
14
namyn y vrenhin. a·berffraỽ. O deir|fford y
15
sarheir y vrenhines. vn yỽ torri y naỽd a
16
rodho. Eil yỽ y tharaỽ a pheth. Trydyd
17
yỽ cribdeilyaỽ peth o|e ỻaỽ. Traean sarhaet
18
y brenhin yỽ y sarhaet hitheu. a hynny
19
heb eur ac heb aryant. Y brenhin a dyly
20
bot un gỽr ar|bymthec ar|hugeint yn|y
21
gedymdeithyas yn marchogaeth. nyt am+
22
gen. y pedwar swydaỽc ar|hugeint. a|e deu+
23
dec gỽestei. heb y deulu a|e wyrda. a|e gerd+
24
oryon. a|e anghenogyon. a hynny a|elwir
25
gosgord brenhin. ~ ~ ~
26
G wrthrych yỽ etlig. yr hỽnn a|dyly
« p 2 | p 4 » |