NLW MS. Peniarth 32 (Y Llyfr Teg) – page 78
Llyfr Iorwerth
78
1
dyuot ar y tir. ny chychwyn yrdaỽ ef y gỽr a|oed
2
ar y tir yn|y vlaen. o|dichaỽn kaffel tu a thal yn
3
vn randir. ac yn ogystal y deu tir. ỽrth na vyrir
4
odyna ef. ac ny dylyir talu tir an·ureinhaỽl
5
yn ỻe tir breinhaỽl. megys tir kygheỻorya+
6
eth. neu uaeroni. neu rydit araỻ. ac yna y
7
mae iaỽn y|r ygneit dyuot trachefyn y eu
8
braỽtle. a|chymryt kedernyt y gan y dỽy
9
bleit ar vot ỽrth y vraỽt. a chymryt mach ar
10
eu gobyr. Ac yna y dylyant yr ygneit datca+
11
nu y dỽy gyghaỽssed. a gỽedy hynny datka+
12
nu y vraỽt. ac yna y dyly y brenhin rydhau
13
y gỽystlon oc eu carchar. Messur gobyr yr
14
ygneit am|dir a daear; pedeir ar|hugeint. ac
15
o hynny rann deu·ỽr y|r ygnat ỻys. ac ny
16
dyly mỽy nac ef a vo yn|y ỻe. nac ef ny|bo.
17
O deruyd. y ampriodaỽr bot keitweit ganthaỽ ar
18
y vot ef yn gỽarchadỽ tir yn eil gỽr. neu yn
19
drydyd gỽr. a bot priodaỽr yn|y holi. a|cheitw+
20
eit idaỽ ar y briodolder. yr ampriodaỽr a gy+
21
chỽyn racdaỽ. O|deruyd. idaỽ ynteu holi o|e vot
22
yn eil|gỽr neu yn drydyd gỽr. a bot priodaỽr
23
yn eisted yn|y erbyn; ny chychỽyn y priodaỽr
24
yrdaỽ y ar y tir. Priodaỽr a|gychỽyn trydyd
25
gỽr. Trydyd gỽr a|gychỽyn treftadaỽc. Sef
26
yỽ treftadaỽc; y mab a adaỽho y dat gỽedy
« p 77 | p 79 » |