NLW MS. Peniarth 33 – page 8
Llyfr Blegywryd
8
a|vynho. Ac odynna eistedent baỽp ac
ymbarchont mal y|mynhont. y|troedaỽc
a|eisted dan|traet ẏ|brenhin. A|r canhỽy+
llẏd rac ẏ|vronn. ~ ~ ~ ~ ~ ~ ~ ~ ~ ~ ~ ~ ~
O R pan safo ẏ|distein ynn|y neuad
a|dodi naỽd duỽ a|r|honn y|brenhin
a|r|vrenhines. a|r|gwyrda. ac eu ta+
gnef ar|ẏ|llys a|r|nẏuer. a|torrho ẏ|tagn+
ef honno. nyt oes idaỽ naỽd ẏn|vn|ỻe.
Kannys ẏ|naỽd oll ẏn gyffredin ẏỽ ho+
nno. Ac y|ar naỽd paỽb; naỽd y brenhin
yn|benhaf. Ac ỽrth hynny nyt oes na+
ỽd idaỽ y|gan vn onadunt. nac ẏ|gan
greireu nac y|gan eglỽys. Nẏ|dichaỽ+
n vn o|r sỽydogyon llys rodi naỽd on+
nẏ bed* vn ohonunt yn seuyll drostu+
nt oll. a|dẏwetto mae ef a|dẏrẏ naỽ+
d drostunt oll ẏ|baỽp o|r a|geisso ẏ|gan+
taỽ ẏn|ẏr|enỽ y|keisser NAỽd brenhi+
nes yỽ; dỽyn ẏ|dyn ẏ|rotho naỽd i+
daỽ dros ffẏn ẏ|wlat heb erlit. a|heb
ragot arnaỽ NAỽd ẏ|penteulu ẏỽ
dỽẏn ẏ|dẏn dros ffyn ẏ|kymhỽt y|bo
ẏndaỽ NAud ẏr offeirat teuỻu* ẏỽ;
dỽẏn ẏ|dẏn hẏt ẏr eglỽẏs nessaf. i*
idaỽ
| « p 7 | p 9 » |