NLW MS. Peniarth 35 – page 101r
Llyfr Iorwerth
101r
int a hynny oll o|r kymỽt arall. Ac y
uelly y byd kyflaỽn y kantref. Mei+
ri a chyghelloryon a dylyant kywe+
iryaỽ y wlat a gỽneuthur y dadleu
ac a| dylyant hanher o bob peth yn erbyn
y brenhin Eithyr o tri pheth. Sef yỽ
hynny. Gwerth tir. A gwerth lleidyr.
a gwerth kelein.
Kyuebrỽyd cassec. Pedeir. keinaỽc. a| tal hyt
ym pen y pedwarydyd ar dec gỽedy
y ganher. Tranoeth. pedeir ar| ugeint
ac os ar yt y keffir. kymeint o·honaỽ
ac o|e uam. Ac o cheiff un dyd o|r eil
ulỽydyn pedeir ar| ugeint ereill y+
ny uo vyth a deugeint. Ac y uelly
hyt y tryded ulỽydyn ac yna yn tri
ugeint. Ac yna y dyly bot yn frỽyn
dof. Ac yna y| dylyir gỽneuthur y diwyll
a| dylyo arnaỽ nac amỽs na phalffrei
na gweith uarch. Amỽs yn tri
thymor ny chyll y werth nae ureint
yr pori allan O hanher ebrill hyt
| « p 100v | p 101v » |