NLW MS. Peniarth 35 – page 76v
Llyfr Cynog
76v
chynn talu yr alanas. dỽyn y llofrud y dat arall. Ac
yna y dyly y genedyl y bu ef y gyt wynt talu yr ala+
nas ac wynt yn estronyon. A llyna y lle y dyly estra+
ỽn talu galanas. Tri dyn nyt geir eu geir ar
dim. kredyfỽr a torho y proffes. A thyst a dycco
cam tystollaeth. A llỽuỽr kynneuodic. Tri any+
ueil a a yn eu gwerth yn eu blỽyd. dauat. a chath
a chostaỽc tom. O gyrrir ar dyn llad
dyn arall yn lledrat. Rodet y neb y gyrrer arnaỽ
llỽ dengwyr a| seith ugeint a thri onadunt yn di+
ofredaỽc o uarchogaeth. A chic. A| gwreic. O
gwerth dyn anyueil keillaỽc. Bit y neb a|e gỽe+
rtho ydan y dispat hyt ym penn y naỽuet dyd. Nyt
amgen no thalu y hanner gwerth yr neb a|e pry+
no o|r byd marỽ. Ac y uelly y teruyna llyuyr ky+
naỽc; ~ ~
| « p 76r | p 77r » |