NLW MS. Peniarth 36A – page 63r
Llyfr Blegywryd
63r
Tri chadarn enllib gỽreic ynt. vn yỽ gỽe+
let y gỽr ar wreic yn dyuot or vn llỽyn
vn o pob parth yr llỽyn. Eil yỽ eu kaffel
ell deu dan vn vantell. Trydyd yỽ; gỽelet
y gỽr rỽg deu vordỽyt y wreic. Tri chyffro
dial ynt. diaspedein caresseu. a gỽelet
elor eu kar. a gỽelet bed eu kar heb ym+
diuỽyn. Tri pheth a haỽl dyn yn lletrat
ac ny chygein lletrat yndunt. Adeilat
a diot coet. ac eredic.
TRi meib yssyd ny dylyant gyfran
o tir y gan eu brodyr vn vam vn
tat ac ỽynt. Mab a gaffer yn llỽyn ac
ym perth. ac yn aneduaỽl. a gỽedy hynny
kymryt y| vam o rod kenedyl. a chaffel
mab arall. ny dyly hỽnnỽ gyfrannu tir
ar mab a gahat kyn noc ef yn llỽyn ac
ym perth. Yr eil yỽ; kymryt o yscolheic
wreic o rod kenedyl. a chaffel mab o·heni.
ac odyna kymryt or yscolheic vrdeu
offeiradaeth. Ac odyna kaffel mab or vn
| « p 62v | p 63v » |