NLW MS. Peniarth 36B – page 38
Llyfr Blegywryd
38
kynnogyn drostaỽ e|hunan neu
dros arall nys rotho yn vach.
ansaỽd balaỽc yỽ bot y|neill pen idaỽ
yn rỽym ar llall yn ryd. ac ỽrth
hynny or kymer haỽlỽr ffyd y
talaỽdyr ar talu y dylyet. A ffyd
y mach ar gymhell y talaỽdyr.
pob vn ohonunt a dyly gỽrtheb
oe dylyet yr haỽlỽr. Ony chym ̷+
her. onyt ffyd vn ohonunt. ny
dyly onyt vn atteb ida*. heuyt
or dyry mach ffyd yr haỽlỽr ar
gymhell y|dylyet idaỽ. ef a|dyly
atteb idiaỽ* or dylyet oll. kyny
chymero ffyd y talaỽdyr. Gỽedy
del oet y dyd y talu y mach a dy ̷+
ly oet dyd y gyfarch y talaỽdyr.
Oet mach y|parottoi tal vn
dyd ac ỽythnos o byd reit idaỽ
talu. O teir fford yd oedir mach
| « p 37 | p 39 » |