NLW MS. Peniarth 36B – page 49
Llyfr Blegywryd
49
a reith gỽlat rac haỽl letrat. Vn
yỽ; kadỽ gỽesti yn gyfreithaỽl.
nyt amgen noe gadỽ o pryt gorch ̷+
yfaerỽy hyt y bore. a dodi y laỽ dros ̷+
taỽ oe gywely teir gỽeith yn|y
nos honno a hynny tygu o·honaỽ
a|dynyon y ty y reith. Eil yỽ; geni
a meithryn; tygu or perchenhaỽc
ar y trydyd o wyr vn vreint ac
ef. gỽelet genyt yr aneueil
ae veithryn ar y helỽ heb y vyn ̷+
et y ỽrthaỽ teir nos. nac o rod
nac ar werth. Trydyd yỽ gỽarant.
Petwyryd yỽ kadỽ kyn koll. A
hynny gỽneuthur or dyn ar y
trydyd o wyr vn vreint ac ef.
kyn kolli or llall y da; bot y da
hỽnnỽ ar y|helỽ ef. Nyt oes war ̷+
ant namyn hyt ar teir llaỽ.
ac yna amdiffynet y tryded trỽy
| « p 48 | p 50 » |