NLW MS. Peniarth 38 – page 2v
Llyfr Blegywryd
2v
kilch a|dyly y vrenhines a|e morynyon.
a|r meibon ar vilaeneit y brenhin pan
el y brenhin y maes o|e tir e|hunan. ~ ~ ~
G·ỽerth y brenhin yỽ tal y sarhaet teir
gỽeith gan tri drychafel Teir sarhaet
brenhin ynt. vn yỽ torri y naỽd. llad
dyn ar naỽd y brenhin. Eil yỽ pan del
deu vrenhin ar eu keffinyd yr ymaruoll.
o|r lledir dyn yn eu gỽyd; Sarhaet bre ̷ ̷+
nhin yỽ. Trydyd yỽ camarueru o|e ỽra ̷ ̷+
ic. Tri ryỽ sarhaet yssyd y pop gỽr ~ ~
gỽreigyaỽc. Vn yỽ y taraỽ ar y gorff.
Eil yỽ bot arall yn camarueru o|e ỽra ̷ ̷+
ic. Trydyd yỽ torri naỽd dyn a allo ro ̷ ̷+
di naỽd y arall o gyfreith. V·al hyn y
telir sarhaet brenhin. can mu yghyfe ̷ ̷+
ir pop cantref o|e teyrnas. a gỽyalen
aryant kyhyt ac o|r llaỽr hyt y|geneu
y brenhin pan eistedho yn|y gadeir. a|ch ̷ ̷+
yn|urasset a|e hirvys. a|thri ban erni.
a|thri y·deni. kyn|vrasset a|r ỽyalen. a
ffiol eur erni a anho llaỽn diaỽt y bre ̷ ̷+
nhin yndi. kyn deỽhet ac eỽin amaeth
| « p 2r | p 3r » |