NLW MS. Peniarth 38 – page 69r
Llyfr Blegywryd
69r
ỽerth* kyfreith y|perchennaỽc. a gỽreic o|gyt·letrata a|e
gỽr priaỽt. Teir ran yỽ aỽdurdaỽt hyỽel da o|e gyf ̷+
reitheu. nyt amgen kyfreith y lys peunydyaỽl. a|ch ̷ ̷+
yfreith y|ỽlat. ac aruer kyfreithaỽl o|pop vn ohonunt.
Dyỽededic yỽ kyn no hyn o gyfreitheu llys. a|chyf+
reitheu gỽlat. dyỽedadỽy vyd rac|llaỽ o|r arueroed.
T ri aruer kyfreith yssyd. kyntaf yỽ kynhal dyd
kyfreithaỽl y|dadleu megys naỽuetyd mei ne+
u racuyr am tir a|ofynnher trỽy ach ac etrif. Neu na+
ỽuetyd y attỽyn dadyl ebryfygedic nyt amgen o
vyỽn vn dyd a|blỽydyn o|r pan dechreuher. Eil ar ̷ ̷+
uer yỽ kynhal mod kyfreithaỽl y|dadleu gan ym+
hyaỽl yn llys val y deỽisso gỽyr y|llys a|r|braỽtỽyr
ae geir tra geir. ae gỽers tra gỽers. kanys gỽyr
y llys bieu datganu yn gofaỽdyr pop dadyl kyn
barn. a|gỽedy hynny y braỽtỽyr bieu barnu a|dat ̷ ̷+
ganu y|dadyl a|r varn pan vo reit. Pop cof llys a|ph+
op deturyt gỽlat gan tygu trỽydaỽ berued o|r|cof+
aduryon. a chof y|saỽl a|gyfunho ac ỽynt. herỽ+
yd eu kytỽybot. Cof llys a|deturyt gỽlat vn
rym ynt. acnyt am yr vn peth y perthynant. Cof
llys aperthyn am yr hyn a|vu gynt y|gỽyd llys
| « p 68v | p 69v » |