NLW MS. Peniarth 45 – page 57
Brut y Brenhinoedd
57
Ac gỽedy eu dyuot yn llỽyr hyt y dinas Er+
chi y bob un o·nadunt wedy y gilyd ymwe+
let ac ef. Ac ual y delhei pob un. Gwyr yn
paraỽt gantaỽ ynteu yỽ daly. Ac yỽ llad o+
ny ỽrheynt y arthal y uraỽt. Ac rac ouyn
eu llad y gỽrhayssant y arthal. Ac odyna
y doethant hyt yg caer efraỽc. Ac y kym+
yrth elidyr y coron y am penn e hun ac y do+
des am pen y uraỽt. Ac ỽrth hynny y gel+
wit ynteu elidyr war. ~ ~ ~ ~ ~ ~
AC odyna y gỽledychus arthal deng
mlyned gan ymchoelut y chwedyl y+
n|y ỽrthỽyneb. urdaỽ y deledogyon. Ac estỽg
y rei anyledaỽc ac* gỽneuthur iaỽnder a pha+
ỽb. A phan uu uarỽ y cladỽyt yg caer llyr.
AC odyna eilweith y doeth elidyr yn
urenin. Ac ym pen yspeit y kyuodes owe+
in a pheredur y deu uroder ieuhaf yn|y er+
byn. Ac gỽedy ymlad ac ef. daly elidyr a|e
dodi yn llundein yg carchar. A rannu yr y+
nys y·rydunt. Sef ual y rannassant. lloy+
gyr a chymry. A chernyỽ y owein. Ar gog+
led y peredur ac ym pen yspeit seith mlyn+
ed y bu uarỽ owein. Ac y doeth y kyuoeth y
peredur. Ac ym penn yspeit wedy hynny A
| « p 56 | p 58 » |