NLW MS. Peniarth 46 – page 144
Brut y Brenhinoedd
144
ac yna y|dyỽedassant ỽynteu nat oed
tec kerdet gỽr kyuurd a|hỽnnỽ heb luos+
sogrỽyd gyt ac ef. Canys uelly y|mae
teilỽg kerdet ygyt a|phob un o amherodron.
rufein. rac cael perigyl a cheỽilyd. onadunt
y cadỽ o laỽer o uilyoed y|ford y|kerdont.
Tangnef a geissant. ac a|dyborthant.
ac arỽyd yỽ hynny. Er pann doethant
y|tir ynys. prydein. ny ỽnaethant na sarhaet
na|threis y|neb. namyn prynu eu kyfrei+
deu dros y|da. ac ual yd oed kynan ynn
pedrussaỽ beth a|ỽnelhei. ae ymlad ac
ỽynt. ae hedỽch. dynessau a|ỽnaeth iarll
kernyỽ attaỽ a|r gỽyrda ereill gyt ac ef.
a|chyghori hedychu ac ỽynt. a|chet bei
drỽc gann gynan hedych* a ỽnaethpỽ+
yt ac ỽy. a|dỽyn maxen ygyt ac ỽynt
hyt yn llun·dein at eudaf urenhin. a|datka+
nu ual y|ry|daroed yrydunt. ~ ~
A C yna y kymerth caradaỽc iearll
kernyỽ gỽyrda ereill ygyt ac ef
ger
| « p 143 | p 145 » |