NLW MS. Peniarth 46 – page 323
Brut y Brenhinoedd
323
a|gellỽg hyỽel map emyr llydaỽ y|tagneue+
du y gỽladoed hynny hyt yn ruuein a|llu ffre+
inc gantaỽ. ac ynteu a|gỽyr yr yssyned* ygyt
ac ef parth ac ynys. prydein. ac yd|anuonassei y|tỽyll+
ỽr ysgymun gann uedraỽt. Selinx tyỽyssa+
ỽc y saesson y|germania y|ỽahaỽd y|niuer
mỽyhaf a gaffei hyt yn ynys. prydein. a|rodi udunt
parth draỽ y humyr oll. ac yn achỽanec y
hynny yr hynn a|rodassei Gortheyrnn gor+
theneu y hors. a hengist yn sỽyd geint. a
gỽedy cadarnnhau yr amot hỽnnỽ yryd ̷ ̷+
dunt y|deuth y|tyỽyssaỽc hỽnnỽ ac ỽyth
cann llog yn llaỽn o|ỽyr aruaỽc o|paganny+
eit gantaỽ a gỽrhau y uedraỽt megys y
urenhin. a|r neur daroed idaỽ duunaỽ ac
ef yr yscottyeit. a|r ffichteit. a|r gỽydyl yn
erbyn y eỽythyr. Sef oed eiryf y|lu rỽg cri+
stonogyon. a|phagannyeit. pedỽarugein ̷ ̷
mil. ac a|r niuer hỽnnỽ y|deuth yn erbynn
arthur y|lann y|mor y|borth norhamtỽn. a ̷ ̷
rodi brỽydyr galet idaỽ yn dyuot o|r mor
y|r|tir. ac yna y|dygỽydassant araỽn uap
| « p 322 | p 324 » |