NLW MS. Peniarth 46 – page 50
Brut y Brenhinoedd
50
1
haf titheu hyt na cheffych byth neb
2
ryỽ rann o|r ynys ygyt ac ỽynt. Ny dy+
3
ỽat ynteu na|s rodei hi y|ỽr ny hanffei
4
o|r ynys. a damỽeinhei y|r kyuryỽ ỽr h
5
hỽnnỽ y herchi hep argyureu genti.
6
Hynn heuyt a|gadarnnhaei hyt na la+
7
uuryei y|geissaỽ gỽr idi megys y|r lleill.
8
kanys mỽy y carassei ef hi no|r lleill. a
9
hitheu yn|y tremygu ef yn uỽy noc ỽy.
10
a|heb ohir y rodes ef y dỽy uerchet hy ̷ ̷+
11
naf idaỽ y|tyỽyssogyon o|r alban. a cher+
12
nyỽ. a hanner y|kyuoeth gantunt tra
13
vei uyỽ ef. a gỽedy bei varỽ ef y|kyuo+
14
eth yn gỽbyl y·rydunt yn deu|hanner.
15
ac yna y kigleu aganipus vrenhin freinc
16
clot. a|thegỽch. Gordeilla. ac anuon a ̷
17
ỽnaeth y herchi yn ỽreic idaỽ y|ỽ that.
18
ac y|dyỽat ynteu y rodei hi idaỽ ef ynn
19
llaỽen hep argyureu kann daroed idaỽ
20
rodi y kyuoeth ygyt a|e dỽy uerchet y
21
lleill. a|phann gigleu aganipus hynny.
« p 49 | p 51 » |