Breudwd Welsh Prose 1300-1425
Cymraeg

NLW MS. Peniarth 6 part iv – page 25

Geraint

25

1
A llawer dyn a haỽl arnat yn lloegyr. Ac y|r lle yd oed y varch
2
y doeth Gereint. Ac yd oed y varch yn gyweir o arueu trỽmloyỽ
3
estronaỽl. Ac erchi a oruc ynteu y enyd escynnu ar y
4
march a|cherdet o|r blaen a|chymryt ragor maỽr. Ac
5
yr a welych ac a glyỽhych arnaf|i heb ef nac ymchoel ti
6
trachefyn. Ac ony dywedaf|i ỽrthyti. na dywet ti vn ge  ̷+
7
ir heuyt. A cherdet racdunt a orugant. Ac nyt y fford di  ̷+
8
grifaf a|chyfanhedaf a peris ef y cherdet. namyn y fford
9
diffeithaf a diheuaf bot lladron a herwyr a bỽystuilet
10
kyndeiraỽc gỽenỽynic. A dyuot y prif ford a orugant.
11
A|e chanlyn. A choet maỽr a|welynt y ỽrthunt. A pharth
12
a|r coet y|doethant. Ac yn dyuot o|r coet allan y gỽelynt
13
petwar marchaỽc aruaỽc. Ac edrych a orugant arnadunt
14
A dywedut a oruc vn onadunt. LLyma le da inni y deu varch
15
racco a|r arueu a|r wreic heuyt. A hynny a gaffỽn yn se+
16
gur yr yr vn marchaỽc pentrỽm goathrist llibin racco.
17
A|r ymdidan hỽnnỽ a glywei Enyd. Ac ny wydyat beth
18
a wnaei rac ofyn Gereint. ae dywedut hynny ae tewi. Di+
19
al duỽ arnaf onyt dewissaf genhyf vy agheu o|e laỽ ef
20
nocet o laỽ arall. A chyt a|m lladho mi a|e dywedaf idaỽ
21
rac gỽelet agheu arnaỽ ef yn dirybud. A chyf·arhos gereint.
22
a|oruc hyny vyd yn agos idi. Arglỽyd heb hi a glywy
23
ti geireu y gỽyr racco ymdanat ti. Drychafel y ỽyneb
24
a|oruc ynteu. Ac edrych arnei yn llityaỽc. Nyt oed reit
25
it namyn kadỽ a erchit itt y geir. Sef oed hynny tewi.
26
Nyt amgeled genhyf ac nyt rybud y teu. A chyt myn+
27
nut ti welet vy agheu i a|m diuetha o|r gỽyr racco
28
nyt oes arnaf|i vn argyssỽrỽ. Ac ar hynny estỽg gỽayỽ