Breudwd Welsh Prose 1300-1425
Cymraeg

Shrewsbury MS. 11 – page 137

Breuddwyd Pawl

137

rei a|wnaethant odineb wedẏ kẏmerẏ+
digaeth corff ẏr arglỽẏd ac nẏt yhoel*+
ẏssant eu penyt hyt agheu a gouẏn
a|oruc ẏr aghel pỽẏ rei a|oẏdẏnt sodedi+
gẏon hẏt ẏ tauodeu ẏ rei a uuant ga+
mtẏstẏon ac ẏ sonẏassant y|mẏỽn eglỽ+
ẏs duỽ ac nẏ wyrandaỽsant eirẏeu du+
ỽ a gouẏn a oruc ẏr aghel pỽẏ oed so+
detic hyt y haeleu ẏ rei a oed digassed
ẏn eu callonneu ẏ·rẏgthunt a|e kẏmo+
dogẏon ac a|e kẏfnesseiueit A rei a wn+
el ẏ pechaỽt hỽnnỽ onẏ chẏmer ẏ be+
nẏt amdanaỽ ef a uẏd ẏm|pressỽẏledi+
gaeth ẏn uffern ac odẏno ẏ kerdass+
ant ẏ le arall ac ẏ gwelẏnt lle aruth+
redic kẏflaỽn o wẏr a gwraged ẏn ỽẏ+
laỽ ac ẏn ucheneidaỽ ac yn llefein
trugarha ti uab duỽ ỽrthẏm ni ac ỽẏ+
laỽ a oruc paỽl a gouẏn ẏ|r aghel pỽẏ
oed ẏ rei hẏnnẏ a dẏwetut a oruc ẏr