Bodorgan MS. – page 41
Llyfr Cyfnerth
41
y neb ae beichoges y gỽerth kyfreith o|e har ̷+
glỽyd. Pop dyn a geiff drychafel yn| y alanas
eithyr alltut. yr vgeineu a telir y·gyt a|r gỽa+
rthec uyd y drychafealeu*. Sarhaet
gỽreic kaeth; deudec keinhaỽc. Ac os gỽeni+
gaỽl uyd nyt el nac yn raỽ nac ym reuan;
pedeir ar hugeint uyd y sarhaet. Dirỽy
kaeth o|r lledrat kyntaf; wheu vgeint. O|r
eil; punt. O|r trydyd; trychu aelaỽt idaỽ.
E Neb a wnel kynllỽyn; yn deudyblyc y
tal galanas y dyn a latho. A deudeg
mu dirỽy yn deudyblyc a tal yr brenhin.
Y neb a watto kynllỽyn neu uurdỽrn neu
gyrch kyhoedaỽc; rodet lỽ deg wyr a deu
vgeint heb gaeth a heb alltut. Ny ellir
kyrch kyhoedaỽc o lei no naỽ wyr.
Llys bieu teruynu. A gỽedy llys; llan.
A gỽedy llan; breint. A gỽedy breint;
kynwarchadỽ ar diffeith. Ty ac odyn ac ys ̷+
cubaỽr yỽ kynwarchadỽ. O|r tyf kynhen
rỽg dỽy tref vn vreint am teruyn; gỽyr ̷+
da y brenhin bieu teruynu hỽnnỽ os gỽy ̷+
bydant. Ac o|r byd petrus gantunt ỽy;
dylyetogyon y tir bieu tygu o paỽb y teruyn.
| « p 40 | p 42 » |