Bodorgan MS. – page 90
Llyfr Cyfnerth
90
taradyr; keinhaỽc. kyfreith. a tal. Ebill taradyr a
chaboluaen A serr A rascyl. dimei a tal pop
vn o·honunt. Kỽlltyr; pedeir keinhaỽc. kyfreith.
a tal. Nedyf a gylyf a cheip a chryman a ch+
rip a gỽelleu a gỽdyf a billỽc a bayol helyc
A bayol gỽyn mangylchaỽc a chlaỽr pobi
A chicdyscyl a bayol a bayol helyc bryn a go+
gyr; keinhaỽc. kyfreith. a tal pop vn o hynny.
Bayol yỽ amit a budei ystyllaỽt A budei
ren A noe a ffiol lyn A nithlen a phadell tro+
edaỽc. pedeir keinhaỽc kyfreith a tal pop
vn o hynny. Turnen a lletfet a whyn ̷+
glo; ffyrllig a tal pop vn. Keubal; pedeir
ar hugeint. Rỽyt ehogyn; vn ar phymth*+
ec a tal. Rỽyt penllỽydec; deudec keinhaỽc.
Ballecrỽyt; pedeir keinhaỽc kyfreith. Pỽy
bynhac a dotto rỽyt y myỽn auon ar tir
dyn arall heb y ganhat; trayan y pyscaỽt
a geiff ef; ar deu·parth y perchennaỽc y tir.
Kist; ỽyth geinhaỽc. kyfreith. Kelỽrn ystyllaỽt;
pedeir keinhaỽc. kyfreith. Raff uleỽ; keinhaỽc
.kyfreith. a tal. Raff lỽyf; keinhaỽc cota. Kelỽrn
a mennei; keinhaỽc. kyfreith. a tal pop vn.
Kyfrỽy eurgalch; pedeir ar hugeint. kyf+
| « p 89 | p 91 » |