Breudwd Welsh Prose 1300-1425
Cymraeg

NLW MS. 24029 (Boston 5) – page 120

Llyfr Blegywryd

120

Nẏt rẏd ẏ wreic taẏaỽc rodi dim heb
gannat ẏ|gỽr. onnẏt ẏ|phenguch. Ac
nẏ eill benffẏccẏaỽ dim onnẏt ẏ|gogẏr.
A|hẏnnẏ hẏt ẏ|clẏwer ẏ|galỽ a|e thro+
et ar|ẏ|throthẏỽ. Gwreic a|geiff ẏ
gan tat ẏ mab ẏr vagu. kẏhẏt ac ẏ
dẏwetpỽẏt vrẏ; Peis. a|talho pedeir
keinnaỽc. A|buch dewisseit. A phadell
a dalho keinnaỽc. a|dimei. a|charreit
o|r ẏt goreu a|tẏuo ar|tir ẏ|tat. A|hẏnnẏ
ẏn lle blwẏdẏn idi. Odẏna ẏ|tat a|dẏlẏ
keissaỽ idaỽ ẏ|holl gẏureideu. Ẏn gyntaf
ẏ dẏrẏ dauat. a|e|chnuf. ac a|e hoen gen+
thi. Ac odẏna gỽeren. neu geinnaỽc.
A|phadell haẏarn. neu bedeir keinnaỽc
kẏureith. A meneit wenith ẏ|wneuthur
iwt idaỽ. A charreit deu ẏchen o|gẏn+
nut. A|dỽẏ gẏuelin o vrethẏn gwẏn.
neu vrith ar|ẏ mab. A buch vlith a|e|llo.
A thri charreit o wenith. a|heid. A che+
irch. A|charreit o|gẏnnut. Os mẏn ẏ
vam hi a|e keiff oll. onnẏ|s mẏn roder
ẏ arall. O|R|a morwẏn wẏrẏ ẏn lla+
thrud heb gẏgor ẏ|chenedẏl. ẏ|that
a|dichaỽn ẏ|hattwẏn rac ẏ|gỽr o|e|han+