NLW MS. 24029 (Boston 5) – page 178
Llyfr Blegywryd
178
eu tadeu talu ebediỽeu. Vn ẏỽ; gỽr a|dien+
ẏdẏo arglỽẏd. Kannẏ dẏlẏ ebediỽ gỽr
a dienẏdẏo e|hun. A|e verch a|tal amob+
ẏr. A merch gỽr a|talho gobẏ* ẏstẏn.
A merch gỽr o|tref gẏurif a|vo marw
heb vab idaỽ. ẏ verch a|dẏlẏ talu amo ̷+
bẏr. A oes vn lle ẏ dẏlẏho dẏn colli ̷
ẏ adeil; ac nẏ chẏll ẏ|tir. Oes. o|deruẏd
amrẏsson ẏrỽg deu dẏn am tir. a|rodi
o|r arglỽẏd groes ẏnn|ẏ tir. ẏnnẏ vei ̷
diamrẏsson a|gỽntheuthur o vn oh+
onunt adeil. ef a|dẏlẏ colli ẏ|adeil. ac
nẏ dẏlẏ colli ẏ|tir. A oes vn groes ẏ
dẏlẏher talu deu gamlỽrỽ ẏmdanei.
Oes. o|deruẏd ẏ|dẏlẏedaỽc amrẏsson
am tir. a|e groessi o|r haỽlỽr. o|r na bo
yr amdiffẏnnỽr ỽrth ẏ groes. a barnv
ẏ|tir ẏ|r amdiffẏnnỽr. yna ẏ|mae iaỽn
barnu camlỽrỽ ar|ẏr haỽlỽr am groessi
y tir. A chamlỽrỽ ar ẏr amdiffẏnnỽr
am na bu ỽrth ẏ groes. A oes vn e+
straỽn a dẏlẏho talu galannas gẏt
a llofurud. a|charant heb ẏ|talu. Oes.
O deruẏd ẏ dẏn llad ẏ llall. ẏna ẏ|dẏlẏ
y genedyl ẏ|bu ef ar eu a|dẏgỽẏdaỽ
| « p 177 | p 179 » |