NLW MS. 24029 (Boston 5) – page 82
Llyfr Blegywryd
82
brenhin ẏn erbẏn kẏureith.
O Tr* mod ẏd|holir tir o gamwere+
scẏn. Ac o datanud trỽẏ vedẏant
tat. neu vam hẏt agheu. Ac o
ach ac etrẏt. kẏnnẏ thẏccẏo
gouyn tir o|r mod kẏntaf. nac o|r eil. nẏ
bẏd hỽẏrach no|chẏnt ẏ|keiff o|r trẏdẏd.
TRi cham·werescẏn ẏssẏd; goresgẏn
ẏn erbẏn perchennaỽc o|e anuod a heb
vraỽt. Neu werescẏn trỽẏ ẏ|perchen+
aỽc ac ẏn erbẏn etiued o|e anuod a|heb
vraỽt. Neu weresgẏn trỽ wercheitỽat
ac ẏn erbẏn iaỽn dẏlẏedaỽc o|e anuod
a|heb vraỽt. Perchennaỽc ẏỽ; ẏ|neb a
vo ẏn medu ẏ|dẏlẏet dilis. Gỽercheitỽ+
at ẏỽ; ẏ|neb a|gẏnhalẏo. neu a|warchat+
ỽo dẏlẏet dẏn arall.
O Tri mod ẏ dosberthir dadẏl dat+
anud rỽg etiuedẏon; nẏt am+
gen. trỽẏ tri breint anẏana+
ỽl. Kẏntaf ẏỽ; breint oet ẏr
hẏnaf a|r ieuaf. Eil ẏỽ; breint priodaf* rỽg
etiued kẏureithaỽl ac vn agkẏureith+
aỽl. kannẏs ẏ|kẏureithaỽl a|e keiff oll.
Trẏdẏd ẏỽ; breint dẏlẏet rỽg dẏlẏedaỽc
ac andẏlẏedaỽc. Os tadeu ẏr rei hẏnnẏ
| « p 81 | p 83 » |