Cardiff MS. 1.363 (Hafod 2) – page 24v
Brut y Brenhinoedd
24v
nheỽ a|th dyỽarnhaf ty yn diran y gyt ac wynteỽ
o ynys prydein. Ry dywedaf i. kan wyt merch
ym na rodwyf y ty y wr oos y tyghetỽen a damwe+
nnya hynny. hynn hagen a kadarnhaaf na bydy
ỽyth ỽn anryded a|th chwyoryd. kanys mwy eyryoet
y kereys y tydy noc wyntwy a|thytheỽ ym karỽ y+
nheỽ yn lley noc wyntwy. Ac yna hep ỽn gohyr o
kyghor y wyrda ef ar rodes y dwy ỽerchet hynaf
ydaỽ yr deỽ tewyssaỽc. nyt amgen tywyssavc kern+
yw ac vn gogled a hanner yr ynys kanthvnt hyt tra
ỽey ỽyw ef. ac gwedy bey ỽarỽ ynteỽ llywodraeth
yr holl ynys ỽdỽnt yn deỽ hanner. Gwedy hynny
aganyppỽs brenyn ffreync a kygleỽ clot teket Gor+
deylla nat oed nep o|r a alley y chyffelybỽ o pryt a g+
osced a thegỽch. ac anỽon kennadeỽ a wnaeth hyt
at lyr y that o|y erchy yn wreyc ydav. Ac ysef y|dy+
waỽt y that yn attep yr kennadev kan parhav|yn
yn*|y lyt a|e kyffro wrthy. my a|e rodaf ep ef yn|lla+
wen hep arkyỽrev. a hep da genthy. kanys y kyỽoeth
a rodassey yr merchet ereyll. a|e evr a|e aryant.
Ac gwedy mynegy hynny y aganyppvs o karyat
y|ỽorwyn ef a anỽones y kennadev eylweyth trache+
ỽyn a dywedwyt bot ydav ef dygaỽn o evr ac
aryant a chyỽoeth ac nat oed dym eyssyev arnaỽ
ef namyn kaffael morwyn bonhedyc dyledavc
| « p 24r | p 25r » |