Cardiff MS. 1.363 (Hafod 2) – page 96r
Brut y Brenhinoedd
96r
1
gwelet onadỽnt wynteỽ henny trystaỽ a wnaet+
2
hant en wuy noc e gellyt y credv a thebygv bot
3
en wyr a dywedassey gortheyrn wrthvnt. a dy+
4
wedwyt pob vn wrth y gylyd. Pa achaỽs e ga+
5
dvn ny e manach hỽn en vyw. pa achaỽs na|s lla+
6
dvn ef hyt pan allo gortheyrn arỽerỽ o|r brenhy+
7
nnyaeth. kanys pwy esyd teylwng y kaffael an+
8
ryded ac amherodraeth namyn gortheyrn e gwr
9
ny orffowys o en anrydedv nynheỽ.
10
AC gwedy henny en e|lle kyvody a orỽgant a
11
kyrchỽ estaỽell e brenyn. a gwedy y lad dw+
12
yn y pen a orỽgant hyt rac bron gortheyrn. Ac
13
gwedy gwelet o ortheyrn y penn trystaỽ a orỽc
14
ac wylaỽ. ac eyssyoes ny bvassey lawenach entev
15
eyryoet no aỽr honno. Ac eyssyoes galỽ a orvc
16
kywdaỽtwyr llvndeyn attaỽ kanys eno e daroed
17
e kyflaỽan honno ac erchy llad e bradwyr henny
18
en hollaỽl kanys kymeressynt arnadvnt gwne+
19
vthvr kyfryw kyflavan a honno. Ac ed oedynt
20
eno wrth henny rey a tebygynt panyw trwy
21
ortheyrn a|e kyghor e gwnathoedyt e brat hvn+
| « p 95v | p 96v » |