BL Harley MS. 4353 – page 7v
Llyfr Cyfnerth
7v
a thafyl·hualeu idaỽ. Nyt yf namyn teir di ̷+
aỽt yn| y neuad rac bot gỽall ar y hebogeu.
March bitosseb a geiff y gan y brenhin. A dỽy
ran idaỽ o|r ebran. O|r llad yr hebogyd y varch
yn hela. neu o|r byd marỽ o damwein; arall
a geiff y| gan y brenhin. Ef bieu pop hỽyedic.
Ef bieu pop nyth llamysten a gaffer ar tir y
llys. Bỽyt seic A chorneit med a geiff yn| y
ancỽyn yn| y lety. O|r pan dotto yr hebogyd
y hebogeu yn| y mut hyt pan y tynho allan;
ny dyry atteb y neb o|r a|e holho. Gỽest a geiff
vn weith pop blỽydyn ar tayogeu y brenhin.
Ac o pop tayaỽctref y keiff dauat hesp. neu pe ̷+
deir keinhaỽc kyfreith yn uỽyt y hebogeu.
Y tir a geiff yn ryd. Y dyd y| dalyho ederyn en ̷+
waỽc. ac na bo y brenhin yn| y lle; pan del yr
hebogyd y|r llys a|r ederyn gantaỽ; y brenhin
a dyly kyfodi racdaỽ. Ac ony chyfyt; ef a dy ̷+
ly rodi y wisc a| uo ymdanaỽ y|r hebogyd. Ef
bieu callon pop llỽdyn a lather yn| y gegin.
Kyt anreither yr hebogyd o gyfreith; ny|s
anreitha na|r maer na|r kyghellaỽr. nam ̷+
yn y teulu a|r righyll.
PEnkynyd a geiff croen ych y| gayaf y gan
y distein y| wneuthur kynllyfaneu. Ar
| « p 7r | p 8r » |